Estreamos a nova web da FGTM
A nova web da Federación Galega de Tenis de Mesa xa está en funcionamento. Ademais de informar, www.fgtm.es é agora a plataforma dende a que xestionamos a tempada: licenzas, competicións, arbitraxes e facturación nun mesmo sitio.
Que hai de novo?
- Ligas ao día. Clasificacións, xornadas, resultados, actas, calendarios e rankings.
- Clubs e equipos. Directorio de clubs e equipos inscritos na tempada.
- Área privada para clubs. Cada club pode tramitar as súas licenzas, descargar carnés e certificados, consultar as súas facturas, rexistrar resultados e solicitar cambios de encontro ou árbitro oficial.
- Área para árbitros. Partidos designados e actas en liña.
- Toda a documentación nun sitio. Noticias, circulares, descargas, Portal de Transparencia e procesos electorais.
Titoriais paso a paso
Para facilitar os trámites a clubs e árbitros, preparamos unha serie de titoriais en PDF, con capturas paso a paso, sobre os procesos principais da plataforma:
- Activar a túa conta: primeiro acceso de clubs e árbitros á plataforma.
- Club: partidos, árbitro, cambios e actas: solicitar árbitro oficial, solicitar cambios de data, hora ou lugar, e rexistrar e descargar as actas.
- Club: facturas: ver as facturas pendentes e pagadas, descargalas en PDF e enviar o xustificante de pagamento.
- Club: licenzas e carnés: solicitar licenzas, ver o seu estado, descargar o informe de licenzas e os carnés.
Os titoriais están sempre dispoñibles no menú «Titoriais» da parte superior da web, e iremos engadindo novos a medida que se incorporen máis procesos.
Esta é unha primeira versión e seguirá medrando. Se atopades algún erro ou tedes suxestións, escribídenos a secretaria@fgtm.es.