Centos de xogadores pasarán por Pontevedra da man do tenis de mesa ao longo desta semana. O pavillón multiusos da Xunqueira de Pontevedra acollerá tres eventos de enorme relevancia, como son o Europa Trophy, as Previas ós Galegos Infantís e o Preestatal Pontevedra 2023, entre o 6 e o 10 de decembro. 

Nestes próximos días Pontevedra será o epicentro do tenis de mesa en Galicia grazas a tres citas que achegarán até a cidade a preto de medio millar de deportistas.
A primeira das citas, que se celebrará os días 6 e 7 de decembro, é a Europa Trophy. O evento internacional preséntase como unha competición na que están clasificados cinco equipos españois da Superdivisión, entre eles dous galegos: o Arteal Tm e o MontePorreiro TM.
Case de xeito simultáneo, celebraranse as previas ó Campionato Galego infantil Individual. Competición novedosa desta tempada que reunirá algúns dos mellores xogadores/as galegos da categoría. Desputarase o día 6 de decembro en sesión de tarde.
O día 8 de decembro iniciarase o Torneo Preestatal, na que chegarán competidores desde Aragón, Navarra, La Rioja, País Vasco, Asturias e Galicia. Buscarán obter tamén a súa clasificación para a seguinte fase da competición.
«Teremos a preto de 500 xogadores e xogadoras de todas as categorías, dispostos a dar a súa mellor cara co obxectivo de xogar o Torneo Estatal que se celebrará en Tarragona», explicou o alcalde, Miguel Anxo Fernández Lores. «Teremos catro días de deporte en Pontevedra, con unha boa representación galega e pontevedresa. Haberá un retorno económico evidente, ao ter que pernoctar aquí e só podo agradecerlle ao servizo de deportes a súa implicación e traballo, ademais do esforzo do propio club de Monte Porreiro e da Federación Galega de Tenis de Mesa, representada pola súa presidenta Nuria Castro».
O adestrador do Monte Porreiro, Nando Álvarez, agradeceu a aposta do Concello de Pontevedra polo tenis de mesa e as competicións deportivas, agradecendo tamén á Federación Galega decisión de escolleren Pontevedra para organizar un evento «tan importante como é o torneo Preestatal».
Por último, Nuria Castro explicou que na Federación estaban moi orgullosos de poder facer en Pontevedra o nomeado torneo. «Somos unha directiva nova, esta é a nosa primeira competición importante e cremos que está nas mellores mans», indicou. «Monte Porreiro é unha garantía, teñen experiencia e gana de traballar e só podemos agardar que todo vaia ben e que os galegos teñan sorte para clasificarse».

Ante as consultas recibidas, publicamos resúmen da normativa dos campionatos galegos 23/24. Recomendamos a lectura completa da normativa, e do apartado de cada Campionato en particular onde se detallan con máis detalle a normativa de cada un.

• Campionato Galego Adaptado: inscrición libre
• Campionato Galego Absoluto:
  1) Equipos masculino: 8 equipos
  2) Equipos feminino: 8 equipos
  3) Individual masculino: 32 xogadores
  4) Individual feminino: 32 xogadoras
  5) Dobres masculino: 16 parellas
  6) Dobres feminino: 16 parellas
  7) Dobres mixtos: 32 parellas
• Campionato Galego Veterano: inscricion libre
• Liga Galega de Edades/Campionatos Galegos por Equipos de idades (prebenxamín a sub23)
  1) Liga de Idades: inscripción libre
  2) Campionato Galego de Equipos: 6 equipos clasificados na liga de Idades
• Campionatos Galegos Individuais (prebenxamin a sub23): 
  1) Previas ós Campionatos Galegos Individuais (prebenxamin a sub23): inscrición libre
  2) Campionatos Galegos Individuais (prebenxamin a sub23): 16 mellores do ranking

Publícase a continuación información sobre o Seguro de Accidentes Deportivos para a tempada 23/24: Federación Galega de Tenis de Mesa e Xogade 

A FGTM segue a axudar ós clubs para facer medrar a súa masa social e promocionar o tenis de mesa. Segunda xornada de esta tempada, tras o éxito da anterior na que máis de 90 novos xogadores/as se iniciaron no noso deporte. 

AD Zas, Oroso TM e CTM Mos serán os clubs que traballarán este vindeiro mércores para que o Tenis de Mesa sexa máis grande. A FGTM quere agradecer ás tres entidades o seu esforzo e traballo. Seguiremos propoñendo novas medidas de apoio ós clubs e fomento do tenis de mesa. 

Acabamos de recibir a triste noticia do falecemento de Jaime Pérez Fernández compañeiro dende hai moitos anos do noso amado deporte e marido de Yolanda García, tamén xogadora. Dende a FGTM queremos facer chegar o noso pésame e amosar as nosas condolencias a toda a súa familia e amigos nestes difíciles momentos. Descanse en paz.

A FGTM segue a intentar mellorar e ofrecer máis ventaxas ós seus afiliados e nesta semana ben de incorporar un novo sistema de notificación de asignacións arbitrais mediante avisos por email. Se xa os clubs galegos podían comprobar qué árbitros lles asignaban cada xornada na súa Folla de Club de Google Drive, a FGTM da un novo paso e agora serán os árbitros os que reciban nos seus emails o aviso dos encontros que lle son asignados. 

A FGTM segue a tentar axudar ós clubs galegos na media das súas posibilidades. Por iso, pon a disposición dos clubs interesados a posibilidade de uso da residencia oficial FGTM para actividades propias: realización de concentracións, adestramentos, cursos de formación, etc....

Mais información no corpo da noticia. 

A FGTM segue a traballar para facer medrar a nosa masa social e para axudar ós clubs galegos. Nesta ocasión, o 12 de Outubro 3 clubs galegos celebrarán xornadas de Promoción para achegar ó noso deporte a novos aficionados.

Club do Mar de San Amaro, Oroso TM e CTM Mos serán os clubs que traballarán este vindeiro xoves para que o Tenis de Mesa sexa máis grande. A FGTM quere agradecer ás tres entidades o seu esforzo e traballo e animar a tódolos clubs galegos a que se sumen á iniciativa para o vinceiro 1 de Novembro (consultar Circular n8 FGTM)

Cada vez máis preto de ser unha realizade, Wild Pong o xogo de mesa con sabor galego que te achegará ó noso deporte sen saír da casa.